Vigtigaste laget for borna i bygda?

Første side i møteboka

Herøysund Idrettslag vart starta på eit møte i Gamleskulen (Herøysund Grendahus) 5. mars 1971. På møtet møtte det 13 personar, og følgjande styre vart vald: Formann Martin Varden, Nestformann Arne Draugsvoll, Kasserar Steinar Kroka, Skrivar Magnhild Skogtun og Styremedlem Hans Ole Helvik.

Herøysund idrettslag er eit aktivt lag. I år er det 117 betalande medlemmar som er med på ulike aktivitetar. I idrettslaget legg me til rette for aktivitetar for alle aldersgrupper. Allereie frå borna er to år gamle kan dei få vere med på barnetrim. Eldre born kan drive med fotball og friidrett. Elles arrangerer idrettslaget volleyballtrenig for damer, herretrim og oldboys-fotball. Dei mange turløypene vert merkte og elles tilrettelagde med bruer og benkar. Alle som ynskjer kan ta turen ut i den nydelege Herøysundnaturen med eller utan trimkort.

Har du idear til nye aktivitetar og ynskjer å vere med å dra i gang desse tek du kontakt med idrettslaget. Ta også kontakt med oss dersom du lurer på treningstider eller har andre spørsmål i høve til aktivitetane. Me vil meir enn gjerne hjelpa og ynskjer alle velkomne til eit meir aktivt tilvere.

Styret i Herøysund idrettslag

 ¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤¤

Her vi vil leggja ut ting som skjer i idrettslaget som ikkje kjem med på nyhendesida.