Positivt bygdamøte

Heimesidene til Herøysund Bygdalag kan verta eit viktig verktøy for samhald i bygda. Dette vart sagt på bygdamøtet i Grendahuset i går kveld. 18 personar som representerte fleire lag og verksemder deltok på idédugnaden. Innspela varierte frå idrettshall til syklubb, Men dei fleste idéane var nokså jordnære.

Frammøtet kunne vore langt betre i dei yngste  aldersgruppene 15 -25 år, men dei får ein ny sjanse neste torsdag. Då vert det ny samling der ein held fram med å få nye innspel. Deretter vert det ein utsiling av heilt urealistiske forslag, før ein lagar ei prioritering av tiltaka.

Dei fleste meiner at alt er så dyrt, men denne 'myten' vart tilbakevist på møtet. Alle frammøtte sa seg interesserte i å delta på dugnad i ei eller anna form i tida framover. Dette teiknar godt!