Sprek årsavslutning

Synne 10 månader var yngste turdeltakar

Fjelltrimgruppa til Herøysund Idrettslag inviterte bygdefolk og julegjester på tur på nyttårsafta. Om lag 50 personar vart med på turen. Startpunktet var ved Grendahuset, og gjekk opp skogsvegen til Kuhaugsvad. Her var det ein kort seremoni med snorklypping og offisiell opning av den nye gangbrua over Tveitelva.

Grunneigarane Jon & John får hjelp til snorklypping av barnebarnet til John

Det er Fjelltrimgruppa, representert ved Nils Olav Støle og Vidar Lønning, som har utført arbeidet med brua, med god hjelp av grunneigar Jon Haugse. Jon fekk òg æra av å klyppa snora, medan den andre grunneigaren, John Skogtun fekk lov å vera snorhaldar saman med barnebarnet sitt, Ingrid Skogtun Heggland.

Turen gjekk vidare til Stigen, der folk kosa seg med medbrakt mat og niste. Bålet var tent, slik at dei som ville, kunne spidda pølser.

Dette var andre året Fjelltrimgruppa inviterte på romjulstur, så dette er allerede på veg til å verta ein fin tradisjon i bygda..

Bilde og tekst: Brynjulf