LP-klubben kan meir enn LP-plater!

I sommar har det saga og banka til ujamne tider ved Grendahuset. No ser vi at det er kome 'terasse' i tilknyting til huset. Dermed har ein fått til ein skikkeleg rømingsveg, og ein fin uteplass.

Det flottaste med tiltaket er likevel at det heile er gjort på dugnad av klubbmedlemer. Dette gjeld sjølve arbeidet, og materialkostnaden vert dekka av overskot på arrangement.

Når ein får vita kven som har vore med, viser det seg at det stort sett er eldsjelene frå opprustinga av uteområdet ved skulen, bygginga av tribune på idrettsplassen og arbeid ved badestranda.

Det er ingen tvil om at Herøysund har ressursar som mange vil misunna oss!