Plenfrøet er kome i jorda

Fredag kom plenfrøet i jorda på området rundt sandvolleyballbanen. Vi har alt fått spørsmål om den grøfta som går der. Til det er det berre å svara at vi må sjå kor mykje vatn som kjem for å bestemma om det trengst drenering. Det vert mange timar dugnad enno framover, men det tyngste taket er teke.

 Så håpar vi at alle, både firbeinte og tobeinte, held seg unna det som er tilsådd slik at det vert grønt og fint til sommaren.

 Dei første reaksjonane er alt komne på 'uautorisert' hogst - ein surapal og ein hassel er saga ned. Unødvendig herverk meiner mange. Andre seier at stranda no vert opnare og større. Vi reknar med at den/dei som har stått føre hogsten ryddar opp etter seg.