Av den omfatande årsmeldinga går det fram at Idrettslaget har ei friidrettsgruppe der vi kan telja 38 namn. Desse har delteke i Kvinnheradmeisterskap innandørs og utandørs i tillegg til seriestemne. Friidrettsgruppa har også arrangert domarkurs i friidrett. Trimgruppa gjev tilbod til born (+ foreldre) frå to år, og gutar/jenter 5-7 år i tillegg til to dansegrupper. Desse aktivitetane har registrert 61 namn. Fotballen er heller ikke borte frå Herøysund. Fire lag har delteke i cup og seriespel. Oldboys-trimmen lagar framlei eitt og anna blåmerke i harde taklingar. Damene er visst meir siviliserte(?) med volleyball og aerobic. Dei som ikkje er så opptekne av konkurransar, har tilbod i Fjelltrimgruppa. Her er det fellesturar i tillegg til dugnadsarbeid i løypene, med merking, rydding og oppfrisking av T-merka. | 
