Om lag 30 personar var med på tur til Helvikvatnet på søndag 30. september, då Fjelltrimmen i idrettslaget inviterte til fellestur. Deltakarane var i alderen ca 4 år til nærare 70 år, det er mange spreke barn og seniorar i Herøysundet!
Vi starta turen frå Grendahuset i «vanleg» vestlandsvær. Undervegs i løypa til Helvikvatnet var det laga til såkalla Natursti, med oppgåver som skulle løysast. Beste laget var «gutane» i familien Skjæveland.(Sjå bilete)
Dei fleste deltakarane la heimturen via Gråskallen, og fekk såleis ein oppkvikkande og vindfull avslutning på ein hyggeleg fellestur. Neste gong vert kanskje DU med òg?
| 
