Laurdag 5. og søndag 6. mai arrangerte dirigent Franz Roberg og Ingrid Leiråmo seminar på skulen for musikantane i Herøysund skulemusikk, aspirantane og i tillegg for nokre vaksne musikantar som ville vere med. Ca 20 personar var samla i desse to dagane. Her hadde dei økter med felles øving med heile korpset, gruppeøving og øving ein og ein. Laurdagen hadde vi og lånt inn Sindre frå Uskedalen, som hjalp til med trommeøvinga. Det blei mange effektive øvingstimar og på slutten av begge dagane trekte korpset ut på skuleplassen for marsjering. Vi hadde og andre innslag av aktivitetar og felles lunsj begge dagar. No gledar vi oss berre til å høyra og sjå Herøysund skulemusikk i toget på 17. mai. Det er flott å ha eit eige korps i bygda.
Britt Inntveit
|
