Postbryggja i Helvik

Stein til reparasjon er på plass

Postbryggja i Helvik fekk store skadar i ein storm/orkan vinteren 1952. Etter som bryggja ikkje var i bruk, vart den ikkje reparert og forfallet har berre auka. For ein del år sidan var postbryggja eitt av kulturminna i Kvinnherad som vart fokusert på. Den gongen var det Sunde som nådde toppen av lista. Noko pengar til reparasjon har stått på konto, men det har ikkje vorte noko meir før Postvegen Ølfernes-Herøysund den siste tida har vore i fokus.

Ove Tvedt i Interesselaget Postvegen Ølfernes - Herøysund melder at reparasjonen av postbryggja på Ølfernes no er i gong. Går alt etter planen vert det oppstart i Herøysund neste veke. Dei første steinane er tippa ved bryggja.