Vi har passert 100 medlemer!

Geir Nilsen som har vore medlem i Herøysund Bygdalag i mange år, vart den som i år fekk registert innbetaling nr 100. Dette måtte sjølvsagt markerast. Leiaren i bygdalaget, Marianne Tveit fekk endeleg klaff og trefte Geir heime slik at blomar kunne leverast.

100 betalande medlemer har lenge vore målsetjinga for bygdalaget. I år greidde vi det. Pr i dag har vi fått innbetaling frå 103 - ny rekord. Mange nye namn er dukka opp i år. Nokre som før har betalt, manglar i lista. Desse har kanskje forlagt giroen, eller gløymt kontonummeret? Skulle du vera ein av desse så er det enno to månader att av året. Kontonummeret er 3460.07.52695.