"Kånevegen"

Før dei store regnbyene tidlegare i haust, tok Torvald Bru spaden fatt og reinska opp i grøfta langs 'Kånevegen'. Dette vart ei effektiv hjelp då storregnet kom. Vegen vart redda. Takk til Torvald!

Arbeidet som var gjort var ikkje nok på lengre sikt. Mykje av grusen var vekke, og styret i Bygdalaget ba om kostnadsoverslag frå fleire entrepenørar. Kvinnherad Maskin vart den rimelegaste. I forrige veke vart grøfta reinska og i dag køyrer dei ut grus.

Herøysund Bygdalag har hatt den på ønskjelista i mang år, men så var det dei pengane då. No har vi hatt ein stabil og god oppslutnad i bygda og vi våga å setja i gong. Så får vi berre håpa at vegen vert til glede og nytte for bygdefolket.

Vi må også få takka grunneigaren langs vegen som var så positiv då vi bad om løyve til å gjera noko!