Seminar i skulemusikken

Etter øvingsøkta på fredag kom nokre snille mammaer med pizza til oss. Etter maten bar det ut i mørket på rebusjakt, ein kjekk aktivitet der ein måtte setja kloke hovuder saman for å finna rett løysningsord. Så bar det inn i varmen igjen for å sjå filmen Orps.

Etter filmen var det tid for å krypa i soveposane, det blei ei kort natt, seint i seng og tidleg opp. Laurdag var det mange øvingsøkter, bare avbrutt av korte pausar og middag midt på dagen.

Seminaret vart avslutta med konsert og marknad på skulen.

Takk til alle som tok turen til skulen denne kvelden, og såleis støtta skulemusikken

tekst/foto Linda Raudstein Tofte