Oppgradering av Grendahuset.

Mange år med flittig bruk av Grendahuset har etter kvart sett sine spor. Denne gongen er det nye bord og ei oppgradering av kjøkenet som har førsteprioritet. I dag starta arbeidet med fornyiing av kjøkenet. Når nye skap og skuffer er på plass, vert det kjøpt inn ein del nytt utstyr.

Leiar i styret, Håkon hjelmeland fortel at det er budsjettert med omlag 50.000 kr i investeringar dei neste vekene og månadane. For å unngå at ein må leggja på leigeprisane startar ein opp ei kronerulling. Her vert laga i bygda, næringslivet og privatpersonar oppmoda om å delta. Alle summar er velkomne til konto 3460.0752911.

Området rundt huset er det også konkrete planar for. Grovskissa er klar, men pr i dag manglar ein gravemaskin som er ledig.