Midtsommar i Herøysund

Klokka halv seks hadde dei første rigga seg til på stranda. Det fine veret slo til, og temperaturen steig utetter ettermiddagen og kvelden.

Arrangementet starta etter tradisjonen med brurefølgje frå Tveit. Omlag 30 personar var med frå starten, medan nye 'hengde seg på' etter kvart nedover i bygda.

Sandvolleybanen var i bruk frå klokka seks til ti. Mange sett vart utkjempa med Ingvard som myndig dommar og speaker. I turneringa var det plass til alle frå 10 til 50 år.

Dei som ikkje spela eller såg på, konsentrerte seg om å få plass ved grillane.

Mange lurte på om det vart fyr på bålet etter regnet dagane før, men dette gjekk også etter programmet.