Første utbetaling frå Norsk Tipping

I tillegg til Herøysund Bygdalag sine Grasrotmidlar frå Norsk Tipping, har Herøysund skulemusikk og Herøysund Idrettslag fått utbetaling. Til saman har desse laga i desse dagar fått utbetalt omlag 15800 kr. Takk til dei 89 tipparane som har prioritert laga i bygda!

Hva skal desse pengane brukast til? Dei trengst godt i alle laga. I det siste har grendahuset fått tiltrengt maling, på butikken heng plakatar med invitasjon til dugnad på idrettsbanen 4. juni og på stranda 6. juni. Dette kostar pengar i tillegg til arbeidstimar. Maling, div. tremateriell, skruer, spiker, sand/grus og mykje meir. Jau pengane kjem godt med.