Attval på Marianne Tveit

Då Herøysund Bygdalag heldt årsmøte torsdag, vart Marianne Tveit attvald som leiar, og Nils Harald Kaldestad heldt fram som kasserar. Ny i styret etter Are Uppheim, som ikkje tok attval, vart Annelise Stidsen. Dei to andre styremedlemene var ikkje på val.

Årsmeldinga kunne visa til eit godt år for laget med 95 betalande medlemer. Strandområdet har dette året vore prioritert. Det er sådd plen, planta i skråninga og stupebrettet er sikra med platting rundt for å unngå at ein sklir på berget.

Rekneskapen viste eit bra overskot. Mykje av overskotet kjem av at ein dette året avslutta sandvolleyballbanen, og fek ut resten av dei offentlege kronene.