Grendehus-kafeen dobla besøket

Torsdag ettermiddag hadde 21 personar funne vegen innom Grendahuset til ein kaffikopp med litt attåt. Nokre hadde teke med seg strikketøy, og når det også vart ein omgong med gammaldags åresal, hadde ingen noko å klaga på.

Yngste gjest var omlag eitt år, medan den eldste var 87. Kafevertskapet, som i dag var Aslaug og Henry, opplyser at tiltaket er eit samarbeidstiltak mellom Grendahuset og Bygdalaget, og er meint som ein treffstad for alle. Det skulle i utgongspunktet berre vera eit tilbod om ein stad å møtast, men møtte eit krav om gammaldags åresal, 'for det er så kjekt'.

Neste kafe vert 5. mars - og her er plass til fleire!